काठमाडौं: नवनियुक्त स्वास्थ्य तथा जनसंख्या मन्त्री प्रदीप यादवले सरकारी अस्पतालहरुमा जनशक्ति थप गर्ने निर्णय गरेका छन् । सोमबार मन्त्री पदको शपथ लिएपछि मन्त्रालयमा पदबहाली गर्दै मन्त्री यादवले चिकित्सा विज्ञान राष्ट्रिय प्रतिष्ठान (न्याम्स) वीर अस्पताल, राष्ट्रिय ट्रमा सेन्टर, कान्ति बाल अस्पताल, परोपकार प्रसूति तथा स्त्रीरोग अस्पताल, शुक्रराज ट्रपिकल तथा सरुवा रोग अस्पताल, भरतपुर अस्पताल, डडेल्धुरा अस्पताल, भेरी अस्पताल, क्षयरोग केन्द्र लगायतका संस्था तथा अस्पतालको संगठन तथा व्यवस्थापन सर्वेक्षण अनुसार जनशक्ति थप गर्ने निर्णय गरेका हुन् ।
जनता समाजवादी पार्टी (जसपा) का सांसद् यादवले राष्ट्रपति कार्यालय शीतल निवासमा मन्त्री पदको सपथ लिएका थिए । उनी यसअघि बन मन्त्री थिए । यादव पर्साबाट निर्वाचित सांसद् हुन् ।
प्रकाशित :- २०८१ बैशाख ३१, सोमबार
सम्बन्धित खवर
