काठमाडौं । तीनकुनेस्थित एप्पल ईन्टरनेशनल स्कुलको आयोजनामा आज मंगलबारदेखी खेलकुद प्रतियोगिता सुरु भएको छ । विद्यालयका ज्येष्ठ अभिभावक नारायण बहादुर कार्कीको प्रमुख आतिथ्यतामा प्रतियोगिताको उद्घाटन गरिएको हो ।
शुक्रवारसम्म सञ्चालन हुने प्रतियोगितामा भलिवल, फुटबल, क्रिकेट, ब्याडमिन्टन, दौड, टेबल टेनीस लगायतका खेलहरु हुनेछन् ।
कार्यक्रमका प्रमुख अतिथि कार्किले खेलकुदले विद्यार्थीलाई चुस्तदुरुस्त बनाउन मद्यत पुग्ने बताए । यस्ता किसिमका प्रतियोगिताले विद्यार्थीको नेतृत्व विकासमा समेत टेवा पुग्ने उनले बताए ।
विद्यालयका प्रधानाध्यापक यमनाथ मैनालीले प्रत्येक वर्ष विद्यालयले साप्ताहिक खेलकुद प्रतियोगिता आयोजना गर्दै आएको बताए । कार्यक्रमको सहजिकरण तथा व्यवस्थापन विद्यालयका कोर्डिनेटर धर्मराज खतिवडा लगायत सम्पूर्ण शिक्षक शिक्षिकाहरुले गरेका थिए ।
प्रतियोगितामा चार वटा क्लवका विद्यार्थीहरुबिच प्रतिष्पर्धा हुनेछ । उद्घाटन कार्यक्रममा बिद्यार्थीहरुबाट सांस्कृतिक प्रस्तुति समेत रहेको थियो।
प्रकाशित :- २०८० माघ २३, मंगलबार
सम्बन्धित खवर
